Verkir og verkjameðferð
Nánari upplýsingar og aðgangur að sérlyfjaskrártexta fæst með því að smella á lyfjaheitin hér að neðan.
Helstu lyf
Nánari upplýsingar og aðgangur að sérlyfjaskrártexta fæst með því að smella á lyfjaheitin hér að neðan.-
Carbocaine (mepivacaine)
-
Diprivan (propofol)
-
EMLA (Eutectic Mixture of Lidocaine and Prilocaine)
-
Marcaine/ Sensorcaine (bupivacaine)
-
Naropin (ropivacaine)
-
Xylocaine (lidocaine)
Athygli skal vakin á því að upplýsingar um lyfin á íslensku eiga við á Íslandi og eru í samræmi við samþykktir Lyfjastofnunar.
Carbocaine (mepivacaine)
Carbocaine (mepivacaine) er staðdeyfilyf sem hefur meðallangan verkunartíma (1.5 – 2.5 klst). Carbocaine er skjótvirkt staðdeyfilyf af amíðflokki. Það má nota á ýmsan hátt til deyfinga, t.d. til staðdeyfingar, bæði til leiðsludeyfingar, staðbundinnar deyfingar og epidural deyfingar. Carbocaine hefur verið á markaði síðan 1960.
Sérlyfjaskrártexti
Diprivan (propofol)
Diprivan (propofol) er svæfingalyf til notkunar í æð. Það er ætlað til innleiðslu og viðhalds svæfinga hjá fullorðnum og börnum og er eitt mest selda svæfingalyfið í heiminum. Síðan það var sett á markað árið 1986 hefur Diprivan verið notað á yfir 330 milljónir sjúklinga í heiminum .
Diprivan hentar sérstaklega vel við aðgerðir á göngudeildum og einkareknum skurðstofnum, þar sem sjúklingurinn þarf að komast heim sem fyrst. Sjúklingar svæfðir með Diprivan vakna yfirleitt hressir fljótlega eftir að gjöf lyfsins er hætt.
Tíminn styttist sem inniliggjandi sjúklingar á spítölum þurfa að vera á vöknun eftir svæfingu og þeir komast fyrr á sína deild.
Lyfið má einnig nota til slævingar við rannsóknir og/eða aðgerðir með eða án staðdeyfingar (leiðsludeyfingar), og einnig til slævingar hjá fullorðnum á gjörgæsludeildum.
Sérlyfjaskrártexti
EMLA
EMLA (Eutectic Mixture of Lidocaine and Prilocaine) er staðdeyfilyf á húð. Það er ætlað til staðdeyfingar á óskaddaðri húð. EMLA er notað til þess að koma í veg fyrir verki við nálastungur, þegar æðaleggjum er komið fyrir og við aðgerðir á húð og kynfæraslímhúð. Einnig má nota það til að minnka eða koma í veg fyrir sársauka við hreinsun á fótasárum. EMLA kom fyrst á markað 1984 og er nú fáanlegt bæði sem krem og lyfjaplástur. Hægt er að kaupa 2 stk. pakkningu með EMLA plástri án lyfseðils í lyfjaverslunum.
Sérlyfjaskrártexti
Marcaine (bupivacaine)
Marcaine (bupivacaine) er amíð með langvarandi staðdeyfiverkun. Það er ætlað til leiðsludeyfingar þar sem óskað er langrar verkunar, deyfingar fyrir skurðaðgerðir og í meðferð við bráðaverkjum. Marcain er af amíðflokki staðdeyfilyfja og er hægt að nota það við ýmsar aðgerðir, í staðdeyfingu, við taugarof, epidural hemil og speglun á liðum. Marcain Spinal og Marcaine Spinal Heavy eru notuð við mænudeyfingar, einkum við aðgerðir á ganglimum, og við fæðingar.
Marcain adrenalin: Sérlyfjaskrártexti , Marcain spinal: Sélyfjaskrártexti
Naropin (ropivacaine)
Naropin (ropivacaine) er langverkandi staðdeyfingar- og verkjalyf. Það er notað við staðdeyfingar í aðgerðum, t.d. epidural deyfingu við skurðaðgerðir, þ.m.t. við keisaraskurð, deyfingu á stórtaugum og leiðslu- og íferðardeyfingu.
Naropin er einnig notað sem bráð verkjadeyfing, sem stöðugt epidural innrennsli eða bólus gjöf með jöfnu millibili, t.d. eftir skurðaðgerð eða vegna verkja í fæðingu. Einnig leiðslu- og íferðardeyfing.
Sérlyfjaskrártexti
Xylocaine (lidocaine)
Xylocaine (lidocaine) er staðdeyfilyf sem er til í margs konar lyfjaformi. Xylocaine er í amíðflokki staðdeyfilyfja og er núna mest selda staðdeyfilyfið í heiminum. Xylocaine er til í eftirfarandi lyfjaformum:
Xylocain stungulyf er notað til staðdeyfingar og leiðsludeyfingar. Einnig staðbundin bláæðadeyfing.
Xylocain adrenalin stungulyf er eitt algengasta staðdeyfilyfið sem notað er við tannaðgerir, s.s. viðgerðir, tanndrátt, og minniháttar aðgerðir á tannholdi. Xylocain adrenalin stungulyf er einnig notað við almenna staðdeyfingu og leiðsludeyfingu.
Til útvortis notkunar er Xylocain til í ýmsum lyfjaformum, t.d. úði, hlaup, krem og mixtúra.
Sérlyfjaskrártexti