Metropole
Metropole rannsókninni er ný lokið en sú rannsókn gekk út á það að bera saman esomeprazole 20 mg við lanzoprazole 15 mg, í 6 mánuði, hjá sjúklingum með gróna vélindabólgu.
Allir sjúklingar hófu meðferð á 40 mg esomeprazole í 1-2 mánuði. Þegar einkenni voru horfin og sárið gróið (metið með magaspeglun), var hópnum skipt upp í tvo meðferðarhópa. Síðan var fylgst með þróun bólgunnar (þ.e.a.s. ef hún tók sig upp aftur) og sjúkdómseinkennum í 6 mánuði.
Alls tóku 1236 sjúklingar þátt í rannsókninni, en á Íslandi voru þátttakendur 81. Niðurstaða rannsóknarinnar liggur nú þegar fyrir og verður birt opinberlega innan skamms.