Lotus
Markmið LOTUS rannsóknarinnar er að bera saman langtímaáhrif og öryggi þess að meðhöndla sjúklinga með Nexium, sem inniheldur virka efnið esomeprazole, eða gera „anti-reflux“ aðgerð á sjúklingum sem eru með krónískan vélindabakflæðisjúkdóm.
Aðgerðir vegna vélindabakflæðis með kviðsjáraðgerð hafa verið gerðar um alllangt skeið með góðum árangri. Það er því forvitnilegt að sjá samanburð á árangri aðgerða annars vegar og á langtíma lyfjameðferð með esomeprazole hins vegar. Fylgst er með sjúklingunum yfir 5 ára tímabil. Þeir þættir sem kannaðir verða eru verkun lyfsins, mat á vefjasýnum, hvort einkenni taki sig upp að nýju, einkenni eftir aðgerð, niðurstöður blóðsýna og lífsgæðamat sjúklinga.
Rannsóknin er fjölþjóðleg og hófst í nóvember 2001 og mun henni ljúka í janúar 2008. Alls taka 550 sjúklingar þátt í rannsókninni, þar af 52 hér á landi. Íslenskar lyfjarannsóknir (Encode) sáu um undirbúning og framkvæmd rannsóknarinnar hér á landi þar til í febrúar 2005 en þá færðist rannsóknin yfir til AstraZeneca á Íslandi.